Specialistja e Pedodoncisë dhe Stomatologjisë Preventive, Aida Rexhepi, nga java e kaluar është përzgjedhur kryesuese e Bordit Drejtues të Shërbimit Spitalor Klinik Universitar të Kosovës, pozitë që deri tani e mbante ‘zonja e skandaleve në shëndetësi’, Agreta Gecaj-Gashi.
“Po, javën e kaluar e kam marrë detyrën si kryesuese e Bordit të ShSKUK-së”, e ka konfirmuar Rexhepi për Gazetën Shneta.
Ajo përfaqëson Qendrën Stomatologjike Universitare të Kosovës – QSKUK.
Emërimi i kryesuesit të Bordit Drejtues është i bazuar në Ligjin për Shëndetësisë, neni 64, në të cilin thuhet se Bordi Drejtues udhëhiqet nga kryesuesi me mandat njëvjeçar, i cili zgjidhet sipas rotacionit e anëtarëve të saj.
Në vitin e parë, në krye të këtij bordi ka qenë përfaqësuesi i Institutit Kombëtar të Shëndetësisë Publike, vitin e dytë përfaqësuesi nga Qendra Klinike Universitare e Kosovës, ndërsa këtë vit përfaqësuesi nga QSKUK.
DOKUMENT | Kryesuesja e Bordit të ShSKUK-së, Agreta Gecaj-Gashi, nuk e respekton as orarin e punës
Bazuar në Vendimin Nr.01/17 të datës 27.03.2020 të Kryeministrit të Republikës së Kosovës është formuar Bordi i ri Drejtues i SHSKUK-së në këtë përbërje:
Dr. Agreta Gecaj- Gashi – përfaqësuese nga QKUK
Dr. Xhevat Jakupi – përfaqësues nga IKSHP-ja,
Dr. Aida Rexhepi – përfaqësuese nga QKSUK-ja,
Dr. Naim Hoxha – përfaqësuese nga Spitalet e Përgjithshme,
Dr. Vjollca Kadolli – përfaqësuese nga Asociacioni i Komunave,
Z. Enver Gashi – Anëtar, drejtor financiar/ ekspert i ekonomisë dhe menaxhmentit shëndetësor, i përzgjedhur me konkurs publik, si dhe,
Z. Fahredin Majkovci, sekretar i Bordit Drejtues, i përzgjedhur me konkurs publik.
