Dokumentari i karantinës së Charli XCX do të shfaqet premierë në ekspozitën virtuale të filmit, SXSW.

Filmi dokumenton krijimin e albumit të këngëtares gjatë pandemisë “How I’m Feeling Now” dhe emocionet që lindin gjatë një pandemie globale

Në fillim të bllokimeve nga koronavirusi vitin e kaluar, Charli XCX filloi të punojë në albumin “How I’m Feeling Now”, një album unik që kap përvojën po aq unike të vetë-izolimit. Që atëherë, muzikantja gjithashtu ka njoftuar një dokumentar të ardhshëm, të filmuar njëkohësisht me prodhimin e albumit, shkruan Demokracia.com.

Tani, filmi – i cili titullohet Alone Together – është vendosur për premierë në edicionin e SXSW të këtij viti. Ashtu si me përsëritjen e vitit 2020 ,festivali SXSW këtë vit për shkak të kufizimeve të vazhdueshme të COVID-19, do të zhvillohet virtualisht.

Alone Together drejtohet nga prodhuesit Bradley & Pablo, të cilët më parë kanë punuar në videon për Charli XCX dhe Troye Sivan “2099”.

Në një deklaratë të postuar në Instagram, Charli shkruan: “Dokumentari tregon historinë e jo vetëm procesit 5 javor rreth krijimit të albumit tim, “How I’m Feeling Now”, por edhe të gjitha emocioneve që krijohen kur jetojmë në një karantinë dhe në një botë të re.

Charli XCX gjithashtu dokumentoi pandeminë në një seri shënimesh ditari.

Alone Together është vendosur të debutojë në ekspozitën virtuale të filmit në SXSW më 18 mars 2021. /Demokracia.com/