Filmi “Coming 2 America” vjen si vazhdim i filmit shumë të suksesshëm të vitit 1988 “Coming to America”.

“Coming 2 America” vazhdimi i të komedisë së vitit 1988 me protagonistë Eddie Murphy dhe Arsenio Hall u lansua më 5 mars në Amazon Prime, shkruan Demokracia.com.

Në vazhdimin e filmit, princi Akeem i luajtur nga Murphy po merret me çështje të trashëgimisë. Ai dhe gruaja e tij, Lisa, kanë pasur tre vajza dhe ligjet e vjetruara të Zamunda kërkojnë që trashëgimtar i fronit të jetë një djalë. Sidoqoftë, babai i Akeem, mbreti Jaffe, i thotë në shtratin e vdekjes se ai ka një djalë të fshehtë të quajtur Lavelle dhe kjo i dërgon Akeem dhe Semmin përsëri në Amerikë për të gjetur trashëgimtarin e tij të mundshëm.

Sidoqoftë, zbulohet se arsyeja që Akeem nuk kishte ide se ai kishte një djalë ishte se nëna e djalit të tij Mary, e luajtur nga Leslie Jones, drogoi princin dhe e përdhunoi atë në udhëtimin e tij të parë në Amerikë.

Përkundër faktit se ky është një sulm i tmerrshëm, incidenti luhet si një shaka nga personazhet në film.

Dhe kjo skenë pati shumë kritika nga përdorues të rrjetit social Twitter.

Disa ishin të mërzitur se si pjesa e përdhunimit u luajt me shaka në vazhdimin e filmit klasik dhe njëri nga ta shkroi: ”Coming to America ishte një nga të paktët filma me personazhe me ngjyrë të errët që shikoja me familjen time duke u rritur.Do të ishim mirë edhe pa këtë vazhdim. Filmit i mungonte krijimtaria dhe normalizojnë dukurinë e përdhunimit”.

Shumë prej tyre shkruan se vazhdimi shkatërroi origjinalin e filmit sepse përdhunimi nuk duhet normalizuar në asnjë mënyrë e as të bëhet shaka me të. /Demokracia.com/