Aktori Paul Ritter, ka ndërruar jetë në moshën 55-vjeçare pasi vuante nga tumori në tru.
Ylli i serialit ‘Friday Night Dinner’, Paul Ritter ka vdekur nga tumori në tru, shkruan Demokracia.com.
Ai vdiq të hënën, sipas agjentit të tij i cili lëshoi një deklaratë mbi vdekjen e aktorit.
Ndërsa ishte i njohur më së shumti nga ‘Friday Night Dinner’, ai ka luajtur edhe në filma duke përfshirë Harry Potter, Half-Blood Prince dhe Quantum of Solace.
Një zëdhënës i aktorit tha: ‘Me shumë trishtim mund të konfirmojmë që Paul Ritter ndërroi jetë mbrëmë.
‘Ai vdiq i qetë në shtëpi me gruan e tij Polly dhe djemtë Frank dhe Noah në krah të tij. Ai ishte 55 vjeç dhe kishte vuajtur nga një tumor në tru.
‘Paul ishte një aktor jashtëzakonisht i talentuar duke luajtur një larmi të madhe rolesh në skenë dhe ekran, me një aftësi të jashtëzakonshme. Ai ishte shumë inteligjent, i mirë dhe shumë qesharak. Do të na marrë malli shumë ”.
Deri më sot nuk ishte e ditur që Z. Ritter kishte vuajtur nga një tumor në tru. /Demokracia.com/