Presidentja e Kosovës, Vjosa Osmani, ka mbetur e ofenduar nga Ministrja e Jashtme, Donika Gërvalla – Shwarz, me të cilën dikur bashkërisht braktisën Lidhjen Demokratike të Kosovës, formuan “Listën GUXO” dhe kaluan në listën zgjedhore të Vetëvendosjes.
Në mëngjesin e hershëm, shefja e diplomacisë kosovare “i ka dërguar një letër Presidentit të Asamblesë së Këshillit të Evropës”, duke zhvlerësuar krejtësisht kompetencat e Presidentes së Kosovës, Vjosa Osmani, shkruan Demokracia.com.
Disa orë më vonë, presidentja Osmani në reagimin e saj përmes këshilltarit Bekim Kupina, ka përmendur pikërisht “kompetencat e qarta” në “fushën e politikës së jashtme”.
“Presidentja Osmani përkrahë vetëm qëndrime dhe veprime paraprakisht të konsultuara, të koordinuara dhe të dakorduara me institucionin e Presidencës si institucion kushtetues me kompetenca të qarta në fushën e politikës së jashtme dhe si gardian i funksionimit kushtetues të institucioneve. Kjo letër nuk është e tillë. Mund të jetë konsultuar e koordinuar me individë jashtë institucioneve që sot e kanë publikuar këtë letër, por jo me Presidencën. Çdo derivat i letrës së zotimeve të nënshkruar nga tri institucionet duhet paraprakisht po ashtu të koordinohet dhe miratohet nga po këto tri institucione”, ka thënë Kupina, pasditën e së enjtes.
POLITIKË E JASHTME E ÇAKORDUAR DHE DUKE SHKELUR KUSHTETUTËN
Kushtetuta e Kosovës është e qartë kur flet për kompetencat e Presidentit të Republikës.
Sipas nenit 84, paragrafit 1 dhe 10, Presidentit të Kosovës i jepen kompetenca për politikën brenda dhe jashtë vendit.
Sipas paragrafit 1, Presidenti “përfaqëson Republikën e Kosovës brenda dhe jashtë”, ndërkaq sipas paragrafit 10, “udhëheq politikën e jashtme të vendit”.
Kurse, kompetencat e Kryeministrit të Kosovës janë të përcaktuara me nenin 94 të Kushtetutës së Kosovës.
Sipas këtij neni, paragrafit 9, Kryeministri “këshillohet me Presidentin për zbatimin e politikës së jashtme të vendit”.
KOHA KUR OSMANI NUK KUJDESEJ PËR KUSHTETUTËN E KOSOVËS
Në shumë raste, Presidentja e Kosovës, Vjosa Osmani, nuk është treguar e kujdesshme në respektimin e Kushtetutës, duke tejkaluar kompetencat e saj apo duke mos i zbatuar ato.
Demokracia.com ka raportuar për shumë raste në të cilat sjellja e presidenes Osmani ishte në kundërshtim me Kushtetutën e Kosovës.
Lexo më shumë për këtë temë: