Bajram Babiqi, i cili u plagos nga polici të dielën në Vranjevc të Prishtinës, pasi paraprakisht ka kanosur me armë policët, po trajtohet në QKUK dhe ndodhet nën sigurimin e policisë.
Në raportin e Policisë thuhet se plagosja e tij ndodhi kur policia po bastiste shtëpinë e tij, sepse i njëjti dyshohej që një natë më parë kishte shtënë me kallash, përcjell Demokracia.com.
Si dëshmi materiale janë sekuestruar: pesë pistoleta, një AK-47, 694 copë fishekë të kalibrave të ndryshëm, 58 gëzhoja dhe 4 predha.
“SHKAKTIM I RREZIKUT TË PËRGJITHSHËM & IMPORTI, EKSPORTI, FURNIZIMI, TRANSPORTIMI, NDËRMJETËSIMI, SHITJE E PAAUTORIZUAR E ARMËVE, ARMËMBAJTJE PA LEJE /Prishtinë 08.05.2022-09:10. Pas disa të shtënave me armë zjarri të raportuar më parë, policia me autorizimin e Prokurorit të Shtetit , ka bërë kontrollimin e shtëpisë dhe objekteve përcjellëse të dyshuarit mashkull kosovar. I dyshuari ka kanosur me armë zjarri zyrtarët policorë duke ua kanosur jetën drejtpërdrejtë, me ç’ rast në vetmbrojtje dhe për të vënë situatën nën kontrollë njëri nga zyrtarët ka përdorur armën ndaj të dyshuarit. Si dëshmi materiale janë sekuestruar : pesë pistoleta, një AK-47, 694 copë fishekë të kalibrave të ndryshëm, 58 gëzhoja dhe 4 predha”, thuhet në njoftim.
Sipas policisë i dyshuari është duke u trajtuar në QKUK dhe nën sigurimin e policisë./Demokracia.com/
LEXO EDHE:
EKSKLUZIVE: Policët që e bastisën i gjuajti me armë, plagoset një person në Prishtinë