Të paktën nëntë persona kanë vdekur, duke përfshirë një fëmijë, dhe 50 të tjerë janë lënduar pasi një skenë u shemb në një tubim të fushatës zgjedhore në shtetin verior të Nuevo Leon të Meksikës.

Incidenti ndodhi ndërsa kandidati presidencial i qendrës së majtë Jorge Alvarez Maynez po mbante një fjalim në qytetin e San Pedro Garza Garcia, pranë Monterrey-t.

Shembja u shkaktua nga një shpërthim i papritur i erës, tha Maynez në një postim në X.

Shërbimi meteorologjik i Meksikës kishte parashikuar erëra të fuqishme në të gjithë rajonin, duke paralajmëruar rrebeshe pasditen e së mërkurës, raporton BBC.

Álvarez Máynez më vonë tha se ai po pezullonte të gjitha aktivitetet e fushatës pas kolapsit, por do të qëndronte në shtet për të monitoruar situatën dhe viktimat.

“Ne duhet të kemi solidaritet, nuk ka asgjë që mund të riparojë një aksident, një dëm të kësaj natyre dhe njerëzit nuk do të jenë vetëm në këtë tragjedi dhe përmes pasojave që kjo tragjedi do të ketë në jetën e tyre,” tha Álvarez Máynez.