Ish-kampionët e Serie A, Napoli, po përgatit një lëvizje të re për të transferuar mesfushorin e Atalanta-s, Teun Koopmeiners.

Holandezi ka qenë i lidhur me një kalim te Juventus-i muajt e fundit, pasi tashmë ka konfirmuar se do të largohet nga Atalanta në afatin kalimtar të verës dhe tashmë ka kërkuar një lëvizje.

Sipas gazetës italiane “Il Mattino”, Napoli tashmë po kërkon përforcime për të ardhmen dhe ndërsa ata po shqyrtojnë opsionet se kë të emërojnë si trajnerin e tyre të ri, interesi i tyre për Koopmeiners nuk është zbehur kurrë.

Ata bënë një ofertë në të kaluarën për holandezin, por një lëvizje nuk u realizua kurrë.

Por, tani napolitanët janë gati të bëjnë një përpjekje tjetër për ta transferuar atë dhe kanë përgatitur një lëvizje me vlerë 50 milionë euro për ish-lojtarin e AZ Alkmaar.

Më parë është raportuar se Juve mund të planifikojë të fusë lojtarë në lëvizjen e tyre për mesfushorin dhe Matias Soule është një emër që i intereson “La Dea”-s.