Napoli e ka regjistruar një tjetër fitore në Serinë A italiane duke triumfuar në shtëpi kundër Empolit.
Napolitanët kanë triumfuar 2:0 ndaj Empolit në “Diego Armando Maradona”, në kuadër të javës së 14-të, shkruan Demokracia.com.
Golin e parë për të besuarit e Spallettit e ka realizuar Lozano nga pika e bardhë e penalltisë.
Dy minuta pa përfunduar koha e rregullt Zielinski shënoi golin e dytë për Napolin dhe të fundit në këtë përballje.
Me këtë fitore, Napoli ka 38 pikë në pozitën e parë, 11 më shumë se Milani që ka një sfidë më pak të luajtur. Empoli është i 14-ti me 14 pikë./Demokracia.com/