Të premten Policia e Kosovës ka marrë raportim për alarmin e tretë se në Stacionin e Autobusëve në Prishtinë, ndodhet një mjet shpërthyes.
Policia përmes raportit 24 orësh, bën të ditur se ankesën e ka bërë një vajzë, e cila punon në stacion, përcjell Demokracia.com.
Megjithatë, deri tani, konfirmohet se nuk është gjetur asnjë i dyshuar.
Njoftimi i plotë i policisë:
Ankuesja femër kosovare punëtore në stacionin e autobusëve në Prishtinë ka informuar se kishte pranuar një thirrje telefonike nga një person i cili ka lajmëruar se është një mjet shpërthyes në stacion të autobusëve. Njësitet policore kanë evokuar të gjithë personat. Njësiti për deminim i PK-së dhe njësiti K-9 kanë kontrolluar, por nuk kanë gjetur asgjë të dyshuar./Demokracia.com/
Lexo edhe:
Tri alarme të rrejshme për bombë në Stacion të Autobusëve, policia jep detaje