Kanë kaluar rreth 1 javë që kur presidentja Vjosa Osmani në RTK tha se duhet të ulemi me ShBA-të dhe ta bëjmë draftin për Asociacionin.
Ndërkohë, ambasadori amerikan në Kosovë, Jeffrey Hovenier, ka thënë të mërkurën se Shtetet e Bashkuara janë të gatshme ta këshillojnë Kosovën në hartimin e statutit për Asociacionin e komunave me shumicë serbe.
Ambasadori Hovenier: SHBA-ja, e gatshme ta këshillojë Kosovën për statutin e Asociacionit
Kurse, kryeministri Kurti idenë e Asociacionit e ka quajtur “ide serbe”.
Osmani dhe Konjufca e pranuan Asociacionin| Kurti: Asociacioni është ide e Serbisë
Ndërsa sot, “piunët” e kryeministrit Kurti janë vënë në funksion për ta sulmuar presidenten Osmani që duket se i është kthyer kundër atij.
Fillimisht, këshilltari i Qeverisë Kurti , Veton Surroi e quajti hap jo të mirë të presidentes.
“Nuk mendoj se është është një ide e mirë (propozimi i Osmanit v.j.). Mendoj se hapat që duhet të ndërmarrë Kosova duhet të mos përsërisin këtë përmbysje të prioriteteve, sepse prioriteti i Kosovës nuk është që t’i kthehemi prapë narracionit që dështoi. Banjska mbërriti, sepse të gjitha kushtëzimet ishin që të mos merret asgjë nga marrëevshja, që mos pranohet barazia mes palëve, e Kosovës dhe Serbisë, por që të merret edhe një herë një proces që do të ridefinonte marrëdhëniet e brendshme në Kosovë. Nuk është i nevojshëm redifinimi i marrëdhënieve të brendshme në Kosovë, prioritet është redifinimi i marrëdhënieve mes Kosovës dhe Serbisë deri te niveli i barazisë” – deklaroi Surroi.
Veton Surroi nuk është i vetëm nga ana e Kurtit që i ka dal kundër presidentes.
Deputetja e LVV-së, Arbëreshë Kryeziu-Hyseni në Kanal10 sonte e kritikoi presidenten duke thënë se nuk pajtohet me të.
“Nuk pajtohem me presidenten, nuk është momenti të mendohet për hartimin e një drafti për Asociacionin”, tha ajo.
Përçarjet mes Kurtit e Osmanit duket se çdo javë e më shumë po vërehen./Demokracia.com/
