Ambasadori i Kosovës në Maqedoninë e Veriut, Florian Qehaja ka reaguar ndaj një deklarate të ambasadorit të Serbisë në SHBA, Marko Gjuriq.

Gjuriq në një postim në “Twitter”, ka shkruar se “jemi në një pikë kthese të historisë kur fati i popullit serb po vendoset në të gjitha pjesët e hapësirës sonë historike etnike – nga Beogradi, rrafshi ynë verior, në Kosovë dhe në pjesë të tjera të ish-Jugosllavisë ku jetojnë serbët…”

Ndaj kësaj deklarate ka reaguar ambasadori Qehaja duke thënë se janë të neveritshme dhe të rrezikshme këto thirrjet për të mbrojtur botën serbe.

“Një person që njihet gjerësisht për thirrjet e tij qesharake “Aco-Srbine”, tani bën një thirrje të hapur për të mbrojtur botën serbe. Po aq e neveritshme dhe e rrezikshme”, ka shkruar Qehaja.

A person who is widely known for his ridiculous chanting “Aco-Srbine” now makes an open call to defend the Serbian world. Equally disgusting and dangerous. https://t.co/StX79O2ctW

— Florian Qehaja (@FQehaja) February 19, 2023