“COVID XIX” titullohet ekspozita e piktorit shqiptar në Kanada, Zeqirja Rexhepi, e cila u hap më 3 mars të këtij viti dhe do të jetë e hapur deri më 30 mars.

Krijimi i artit në kohë pandemie ishte një rrugëdalje thelbësore për artistin duke sjellë përmes pikturave faza të ndryshme të pandemisë, shkruan Demokracia.com.

Në faqen e eskpozitës online, Rexhepi shruan: “Ana Lindore e Kanadasë kryesisht e ka përballuar mirë stuhinë COVID- 19, por shqetësimi dhe frika ime për familjen dhe miqtë në vendet më të goditura (si atdheu im Kosova) është kanalizuar përmes këtyre pjesëve. Jam përpjekur të kap shpresën dhe gëzimin që i uroj botës në 2021 dhe në të ardhmen, por ka qenë e pamundur t’i shpëtojmë errësirës dhe realitetit të ashpër në të cilin gjendemi, në të cilin kalojmë në hije dhe kontrast të lartë të përshkruar në kjo seri pikturash”.

Fytyrat dhe figurat femra në këtë seri pikturash përfaqësojnë kujdestarët dhe punëtorët e vijës së parë që mbështesin dhe kujdesen për njerëzitnë këtë kohë pandemie.

“Dy nga vajzat e mia janë punëtore shëndetësore, dhe unë doja t’i nderoja, si dhe të gjitha të tjerat që punonin në sektorin shëndësor dhe shërbimet e urgjencës në të gjithë botën”- shkruan z. Rexhepi.

Zeqirja Rexhepi u lind në vitin 1955 në fshatin Përlepnicë të Gjilanit në Kosovë. Ai ekspozoi gjerësisht pikturat e tij në Kosovë dhe jashtë saj dhe u porosit si muralist për të krijuar murale për disa kisha dhe xhami.

Ai është autor i veprës monumentale në Kishën e Shën Antonit në Binçë të Gjilanit “Martirët e Karadakut 1846 – 48”. /Demokracia.com/