Aktori francez Gérard Depardieu është akuzuar për përdhunim dhe sulm seksual, që mendohet të ketë ndodhur në 2018 kundër një aktore në të 20-at, tha një burim gjyqësor.

Një hetim fillestar mbi akuzat për përdhunim kundër Depardieu, 72, u hodh në 2019  dhe për mungesë provash por u rihap verën e kaluar, duke çuar në akuza penale të paraqitura në dhjetor, tha burimi, transmeton Demokracia.com

Aktorja akuzon Depardieu se e kishte përdhunuar dhe sulmuar atë në shtëpinë e tij në Paris në gusht 2018.

Avokati i Depardieut, Hervé Temime, tha se Depardieu, është i lirë, por nën mbikëqyrje gjyqësore dhe se “hedh poshtë plotësisht akuzat”.

Sipas një burimi pranë çështjes, Depardieu është një mik i familjes së gruas.

Disa raporte kanë sugjeruar që Depardieu dhe aktorja ishin duke provuar një skenë të një shfaqje teatri, por burimi tha se “nuk kishte asgjë profesionale në këtë takim”.

Avokati i gruas, Élodie Tuaillon-Hibon, i tha AFP se ajo shpresonte që “sfera private e klientit të saj do të respektohet” ndërsa çështja zhvillohet./Demokracia.com