Dy persona kanë mbetur të lënduar si pësojë e një aksidenti në magjistralen Prishtinë-Gjilan, më saktësisht tek Liqeni i Badovcit.
Lajmin për Demokracia.com e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Si pasojë e aksidentit dy persona kanë pësuar lëndime trupore dhe të njëjtit janë dërguar për trajtimin e nevojshëm mjekësor”, ka thënë Ahmeti.
Ajo tutje ka treguar se hetuesit rajonal të njësitit të trafikut, kanë nisur një hetim për zbardhjen e shkaqeve të këtij aksidenti./Demokracia.com/