Pas Divock Origit të Liverpoolit, Milani raportohet se tani është në bisedime për të nënshkruar me Adnan Januzaj si agjent i lirë këtë verë.

Ka raporte të shumta në Itali dhe Angli se Milani është afër marrëveshjes për kushtet personale me Origin, kontrata e të cilit me Liverpoolin do të skadojë më 30 qershor, raportojnë mediat italiane, përcjell Demokracia.com.

Tani reporteri i transferimeve të Sportitalia, Rudy Galetti sugjeron se një tjetër sulmues me çmim të ulët mund të jetë gati t’i bashkohet skuadrës për të forcuar radhët e tyre.

Januzaj do të jetë lojtar i lirë në fund të sezonit, pasi kontrata e tij me Real Sociedadin po i mbaron.

Shkathtësia e tij është një aset i dobishëm, i aftë për të luajtur në të djathtë, të majtë ose në pozitën pas sulmuesit kryesor.

Sapo ka mbushur 27 vjeç, ai është ende relativisht i ri, por me përvojë në Manchester United, Sunderland dhe Borussia Dortmund.

Adnan Januzaj përfaqëson Kombëtaren e Belgjikës, megjithatë ai ka prejardhje nga Kosova. /Demokracia.com/