Familja e Michael Schumacher ka fituar një çështje kundër mediumit gjerman “Die Aktuelle” që kishte publikuar një intervistë të krijuar nga inteligjenca artificiale që i atribuohet legjendës së F1.

Legjenda gjermane nuk është parë në publik për më shumë se një dekadë që kur pësoi një lëndim katastrofik të trurit gjatë skijimit

Megjithatë, tabloidi gjerman Die Aktuelle publikoi ato që tha se ishin citate nga Schumacher të krijuara nga inteligjenca artificiale.

Thuhej se dukeshin “të vërteta” – dhe në kopertinën e saj mburrej: “Michael Schumacher, intervista e parë!”.

Botuesi i revistës – grupi mediatik Funke – i kërkoi falje familjes dhe shkarkoi redaktorin e Die Aktuelle kur artikulli doli në prill 2023.

Ai tha se “artikulli pa shije dhe mashtrues” nuk duhej “kurrë të ishte shfaqur”. Zëdhënësja e familjes, Sabine Kehm konfirmoi se familja kishte qenë e suksesshme në veprimet e tyre ligjore kundër botuesit. Ajo nuk dha më shumë detaje, por kompensimi thuhet se ishte 200,000 euro.