Ka ndërruar jetë punëtori, i cili u rrëzua sot në vendin e punës në Skenderaj.

Rastin e ka konfirmuar për “Jepi zë” zëdhënësi i Policisë për rajonin e Mitrovicës, Avni Zahiti.

“Rreth orës 16:00, është raportuar se në rrugën ” Ahmet Delia” në Skenderaj, nga një objekt në ndërtim e sipër është rrëzuar dhe ka pësuar lëndime viktima (punëtor) i moshës rreth 60 vjeçar, i njëjti me urgjencë është dërguar në QKUK. Ndërsa rreth orës 20:30, nga QKUK është njoftuar se i lënduari-viktima R.R., 60 vjeçar, ka vdekur. Me urdhër të prokurorit trupi i pa jetë i viktimës është dërguar në obduksion”, tha Zahiti.

Sot ishte raportuar në media se punëtori është rrëzuar nga rreth 3 metra lartësi, por kishte rënë me kokë dhe ishte lënduar rëndë.

Ai u dërgua fillimisht në spitalin e Mitrovicës, pastaj në QKUK ku edhe vdiq.

Sipas burimeve brenda Inspektoratit, mësohet se punëtori ishte pa kontratë pune dhe i padeklaruar në ATK.