Lajmi se alkooli nuk lejohet në stadiumet e Katarit ka tronditur tifozët e disa kombëtareve, të cilët po kërkojnë çdo mënyrë për të gjetur një pije alkoolike.
Dy tifozë nga Anglia i çuan udhëtimet e tyre në një nivel të ri dhe madje shkuan deri në pallatin e njërit nga sheikët, ku luanin me një luan.
Tifozi i Anglisë, Alex Sullivan, pati një rrëfim të shkurtër për TalkSport ku sapo foli për udhëtimin e tij të jashtëzakonshëm, kur kërkoi vetëm një birrë për të shuar etjen, ndoshta duke mos dyshuar se çfarë do t’i ndodhte.
“Thjesht kaluam mirë dhe bënim shaka, u kënaqëm. Takuam një nga djemtë e Shehut, i cili na çoi në pallat dhe na tregoi luanët dhe gjëra të tjera. Ne po kërkonim birrë dhe ata thanë se e kishin. Ne u hodhëm në pjesën e pasme të “Toyotës” së tij dhe përfunduam në pallat. Ai na tregoi majmunët, zogjtë e tij ekzotikë. Ishte çmenduri”, tha Aleks Sullivan për TalkSport, transmeton Demokracia.com.
Two Everton fans in Qatar went looking for beers and ended up in a Sheikhs palace chilling with a lion. 🤣🇶🇦 pic.twitter.com/R17nDd3f0A
— World Cup Updates (@wc22updates) November 21, 2022
Shumë nuk besuan në këtë histori, kështu që Alex e mbështeti atë me materiale video./Demokracia.com/