Të pranishëm ishin miq e familjarë të aktorit, kolegë e dashamirë të artit dhe aktorit që la gjurmë në kinematografinë botërore.
Hapja e kësaj ceremonie u bë nga aktorja Doresa Rexha, e cila foli për jetën e Bekim Fehmiut, shkruan Demokracia.com
Hapja e saj u pasua nga të ftuar të tjerë, mes të cilëve kryeministri Kurti, aktori Enver Petrovci, i cili shpërtheu në lot gjatë fjalimit të tij për mikun dhe kolegun si dhe familjarë të aktorit.
Gjatë ceremonisë u ndanë çmimet vjetore për kinematografi nga Ministria e Kulturës, Rinisë dhe Sportit.
Çmimi Kombëtar për vepër jetësore “Bekim Fehmiu” iu nda Afrim Spahiut, kurse çmimin vjetor për kinematografi e mori More Raça.
Ministri i Kulturës, Rinisë dhe Sportit, Hajrulla Ceku lajmëroi vendimin mbi emërimin e grupit punues për hartimin e planit shtetëror për nderimin, mbrojtjen, dokumentimin dhe promovimin e veprimtarisë së Bekim Fehmiut.
Pas ceremonisë u shfaq një prej filmave më të famshëm të Bekim Fehmiut “Mbledhësi i Puplave”./Demokracia.com/