Fundi i vitit të kaluar shënoi nisjen e edicionit të parë të Big Brother VIP Kosova.

Shumë personazhe të njohura tashmë për publikun u bën pjesë e formatit, teksa fituesi i tij u shpall reperi nga Shqipëria, Stresi.

Por, emrat të tjerë të njohur që ishin pjesë e BBVK dhe morën vëmendje të madhe ishin edhe aktori i humorit, Vedat Bajrami, modelja Gresa Hoti dhe Andi Artani.

Mes këtyre të treve duket se po vazhdon shoqëria pasi sot (e premte) ata ndan imazhe në llogaritë e tyre përkatëse në Instagram duke treguar se po kalojnë kohë bashkë.

Foto e përbashkëta me Vedatin kanë konfirmuar edhe një herë se ata janë bashkë dhe po shijojnë lidhjen edhe disa muaj pas përfundimit të BBVK.

Ndryshe, theksojmë që tashmë kanë nisur përgatitje për edicionin e dytë të BBVK, që thuhet se do të nisë brenda këtij viti.