Policia e Kosovës ka konfirmuar vdekjen e personit që është plagosur të hënën në Klinë.

Personi i dyshuar gjendet në arrati teksa policia ka treguar se gjatë ikjes ka grabitur edhe një veturë. Më pas kjo veturë është gjendur, por i dyshuari vazhdon të jetë në arrati – teksa Policia po vazhdon kërkimet.

”I dyshuari ёshtё arratisur nё drejtim tё panjohur dhe gjatё arratisjes i dyshuari nёn kёrrcёnimin e armёs nga njё qytetar ka grabitur veturen dhe ёshtё larguar nё drejtim tё Gurrakocit”, thuhet ndër tjerash në njoftim.

Personi i dyshuar është identifikuar si Tush Frrokaj, kurse viktima Anton Prela.

Më poshtë njoftimi i Policisë së Kosovës:

Humb jetёn njё person nga tё shtёnat me armё

Pejë,  7 gusht 2023

Më datë 07 gusht 2023, rreth orës 16:50, Policia është informuar se nё rrugën “ Leonard Palucaj”- Klinё, ka ndodhur njё gjuajtje me armё zjarri.

Policia menjëherë ka dalë në vendngjarje, aty ёshtё kuptuar se njё person ёshtё plagosur nga arma e zjarrit, i njëjti ёshtё dёrguar ne QKMF-Klinё, dhe mё pas nё Spitalin Rajonal nё Pejё, aty nga mjeku kujdestar ёshtё konstatuar vdekja e viktimёs.

I dyshuari ёshtё arratisur nё drejtim tё panjohur dhe gjatё arratisjes i dyshuari nёn kёrrcёnimin e armёs nga njё qytetar ka grabitur veturen dhe ёshtё larguar nё drejtim tё Gurrakocit.

Njёsitet relevante janё vёnё nё ndjekje tё pësonit tё dyshuar dhe me tё arritur nё fshatin Kosh-Istog, ёshtё gjetur vetura e braktisur ndёrsa personi i dyshuar ёshtё ende nё kёrkim policor.

Me vendim tё prokurorit tё shtetit trupi i pajetё i viktimёs dёrgohet ne institutin e mjekёsisё ligjore nё Prishtinё pёr obduksion.