Napoli ka marrë një tjetër fitore me “aromë” të titullit kampion në Serie A.
Skuadra e Luciano Spallettit ka triumfuar 3:0 kundër Cremoneses në stadiumin “Diego Armando Maradona”, në kuadër të javës së 22-të, shkruan Demokracia.com.
Kvaratskhelia kaloi vendasit në avantazh në minutën e 22-të pas një depërtimi fantastik në zonë.
Për golin e dytë u desh të pritej minuta e 65-të kur Osimhen shënoi golin e dytë për Napolin.
Goditjen e fundit mysafirëve ua dha Elmas me golin e minutën e 79-të.
Si zakonisht, mbrojtësi dhe kapiteni i Kombëtares së Kosovës, Amir Rrahmani u aktivizua për 90 minuta te Napoli.
Me këtë fitore, Napoli vazhdon sigurtë drejt titullit kampion në Itali. Ata kanë 59 pikë në vendin e parë, 16 pikë më shumë se ndjekësi i parë Interi që ka një takim më pak.
Cremonese është e fundit me vetëm tetë pikë të grumbulluara./Demokracia.com/