Analisti Imer Mushkolaj e ka kritikuar ashpër anëtarin e VV’së, Elvis Hoxha, pasi ky i fundit e akuzoi kryesindikalistin Rrahman Jasharajn për lidhje me Serbinë.

Mushkolaj tha se për ta njollosur Jasharajn deri në atë pikë, duhet të jesh njeri i poshtër dhe idiot.

Sipas tij, është e turpshme dhe e frikshme përpjekja e pushtetit për ta denigruar Jasharajn.

“Rrahman Jasharajn e njoh tash e më shumë se dy dekada. Disa vjet edhe kam punu me të. Është njeri i përkushtuem dhe punëtor. Njeri i hjekave. Duhet të jesh fort i poshtër, që ta akuzosh për lidhje me Serbinë. Duhet të jesh fort idiot që të provosh ta njollosësh atë. E turpshme dhe e frikshme përpjekja e njerëzve të pushtetit, përpjekja e pushtetit për ta denigruar Rrahmanin”, tha ai.