Prodhuesi i barnave Moderna i ka kërkuar Administratës së Ushqimit dhe Barnave të enjten të autorizojë dozën e katërt të vaksinës së saj COVID-19 si një dozë përforcuese për të gjithë të rriturit, raporton Associated Press.

Kërkesa është më e gjerë se kërkesa e kompanisë rivale farmaceutike Pfizer në fillim të kësaj jave që rregullatori të miratojë një injeksion përforcues për të gjithë të moshuarit.

Në një njoftim për shtyp, kompania ka thënë se kërkesa e saj për miratim për të gjithë të rriturit ishte bërë “për të ofruar fleksibilitet” për Qendrat për Kontrollin dhe Parandalimin e Sëmundjeve për të përcaktuar “përdorimin e duhur” të një doze të dytë përforcuese të vaksinës mRNA.

Zyrtarët amerikanë kanë hedhur bazat për të ofruar doza shtesë përforcuese për të mbështetur mbrojtjen e vaksinave kundër sëmundjeve të rënda dhe vdekjes nga COVID-19.

Shtëpia e Bardhë ka dhënë alarmin se Kongresit i duhet që “urgjentisht” të miratojë më shumë fonde për qeverinë federale për të siguruar më shumë doza të vaksinave të COVID-19, qoftë për injeksione shtesë ose vaksinime specifike për variantet.

Zyrtarët shëndetësorë të SHBA-ve rekomandojnë aktualisht një seri primare prej dy dozash të vaksinës Moderna dhe një dozë përforcuese muaj më vonë