Ministri i kulturës Hajrulla Çeku ka pritur në takim regjisorin e filmit “Pa Vend”, Samir Karahoda dhe producentin Erroll Bilibani, ku kanë diskutuar për fushën e kinematografisë dhe për nominimin e tyre të fundit.

“Pa Vend” është filmi i parë kosovar, që do të jetë pjesë e garës zyrtare në Festivalin e Kanës që u përzgjodh në mesin e 10 filmave të shkurtër që do të garoj për “Palmën e Artë” , shkruan Demokracia.com.

‘Pa Vend’ sjell rrëfimin e klubit më të suksesshëm të ping pongut nga Prizreni ‘Lidhja e Prizrenit’ duke rikrijuar historinë e protagonistëve nga paslufta në kontekstin e situatës së sotme. /Demokracia.com/