Kanë mbetur më pak se një orë deri në vërshëllimën e parë që sinjalizon nisjen e takimit Greqi – Kosovë.
Stadiumi “Panthessaliko” në Volos është vendtakim i dy reprezentacioneve që synojnë vendin e parë në grupin 2 të Ligës C në Ligën e Kombeve, raporton Demokracia.com.
Përpara se futbollistët e dy kombëtareve të dalin në fushën e lojës për të kryer ngrohjet e fundit, stadiumi grek duket në gjendje perfekte për një ndeshje futbolli.
Demokracia.com raporton drejtpërdrejt nga stadiumi teksa ju sjellë edhe pamje të fushës dhe atmosferës në taborin e “Dardanëve”.
Ndeshja mes Greqisë dhe Kosovës njëherit është e fundit në muajin qershor në Ligën e Kombeve kurse fillon nga ora 20:45./Demokracia.com/