Në kufirin kroat, një nivel i lartë i akrilamidit (Acrylamide) kancerogjen u gjet në patate të skuqura (çipsa) me shije speci i kuq të prodhuara në Serbi dhe u publikua në faqen e internetit të Komisionit Evropian.

Vendi i aplikimit është Kroacia dhe njoftimi i referohet Kroacisë dhe Serbisë, sipas faqes së internetit të sistemit evropian të alarmit të shpejtë. Patate të skuqura nuk hynë në tregun kroat dhe u shkatërruan në mënyrë të sigurt, transmeton Demokracia.com.

Çfarë është saktësisht Acrylamide dhe si krijohet?

Acrylamide nuk mund të gjendet në ushqimet e freskëta dhe formohet kryesisht gjatë përpunimit të ushqimit në temperatura mbi 120 gradë, si dhe në lagështi të ulët, që nënkupton pjekje, skuqje dhe forma të tjera të përgatitjes.

Zakonisht gjendet në bukë, patate të skuqura, drithëra mëngjesi, biskota dhe kafe.

Ky përbërës u testua më në detaje dhe u gjet në ushqime të caktuara në vitin 2002 në Suedi. Që atëherë, publiku është paralajmëruar për pasojat e tij, dhe shoqërimi me disa forma të kancerit është veçanërisht shqetësues. Acrylamide shndërrohet në trup në glicidamid, i cili shkakton mutacione dhe dëmton ADN-në.

Sipas Agjencisë Kroate të Ushqimit, vlerësohet se prania e akrilamidit në ushqim mund të rrisë rrezikun e zhvillimit të kancerit në të gjitha grupmoshat. /Demokracia.com/