Dje kryeministri i Kosovës, Albin Kurti, mungoi në takimin e opozitës shqiptare në Maqedoni të Veriut, që u organizua me mërgimarët në Berlin të Gjermanisë.
Megjithatë, në përkrahje të VLEN-it ishte ministrja e Drejtësisë, Albulena Haxhiu.
Kurti nuk do të jetë i pranishëm as në takimin e VLEN-it në Cyrih të Zvicrës, ku opoizta shqiptare do të organizojë takim me diasporën.
Albulena Haxhiu, ministre e Drejtësisë, mbrëmë mbajti një fjalim në tubimin e opozitës shqiptare në Maqedoni të Veriut, që u organizua në Berlin të Gjermanisë.
Ndonëse ishte paralajmëruar, kryeministri i Kosovës, Albin Kurti, nuk mori pjesë në këtë takim. Arsyen e mungesës së Kurtit, e dha një vartëse e tij në Qeverie e në VV.
Haxhiu tha se Kurti nuk erdhi për shkak të cenimit të sigurisë nga Serbia. Megjithatë, Haxhiu tregoi se Kurti u ka bërë të fala.