Kryetari i Komisionit Qendror të Zgjedhjeve, Kreshnik Radoniqi, që ishte emëruar pas shkarkimit kundërkushtetues të Valdete Dakës, është vënë në shërbim të plotë të shefave të tij, presidentes Vjosa Osmani dhe kryeministrit Albin Kurti.
Si kurrë më parë në historinë e institucioneve të Republikës së Kosovës, KQZ-ja ka marrë vendim që vetë të shpallë datën e zgjedhjeve dhe vetë do t’i organizojë ato, shkruan Demokracia.com.
Edhe pse caktimi i datës së votimit është obligim kushtetues i Presidentes së Kosovës, Vjosa Osmani, kreu i KQZ-së, Kreshnik Radoniqi, ka lejuar institucionin që drejton të shpallë datën e votimit.
Madje, në mbledhjen e mbajtur të premten, Radoniqi nuk ka kundërshtuar propozimin që erdhi nga kryeshefi i SKQZ-së që data 21 prill 2024 të caktohet datë për votim për shkarkimin e kryetarëve të komunave veriore, por me shpejtësi të madhe e ka proceduar për votim.
Lexo më shumë:
Vetëm dy anëtarët e Partisë Demokratike të Kosovës, Ilir Gashi dhe Arianit Elshani, kanë abstenuar dhe kanë dalë hapur kundër këtij propozimi, duke theksuar se vetëm presidentja Osmani ka të drejtë kushtetuese të catojë datën e votimit, por jo edhe KQZ.
Ndryshe nga opozita, PDK, përfaqësuesit e dy partive të tjera opozitare, LDK dhe AAK, kanë votuar pro caktimit të datës. Njëjtë votuan edhe dy anëtarët e Vetëvendosjes në KQZ, Sami Kurteshi dhe Alban Krasniqi.
Edhe tre anëtarët nga radhët e minoriteteve, turke, rome dhe boshnjake, që ishin të pranishëm në mbledhje, votuan ngjashëm si shumica e anëtarëve. /Demokracia.com/
Lexo më shumë për këtë temë:
