Historia e vajze të varur nga drogat dhe prostitucioni, në vitet 1970 në Berlinin Perëndimor, i cili u bë një libër bestseller dhe kult film në Evropë, po kthehet në ekran në një film të ri.

Intervistat e gjata me kasetë të Christiane Felscherinow me dy gazetarë formuan pjesën kryesore të librit ‘Wir Kinder vom Bahnhof Zoo’, i cili u botua në 1978 dhe u bë film me regji nga Uli Edel në 1981, transmeton Demokracia.com

Një seri me tetë pjesë me të njëjtin titull fillon në gjermanisht në Amazon Prime të premten në mbrëmje.

Filmi origjinal ishte i zymtë, i guximshëm dhe me buxhetit të ulët, i cili përdorte kryesisht aktorë debutant.

Me një kolonë zanore nga David Bowie dhe performancë të mrekullueshme, ‘Cristiane F’ tronditi kritikët dhe audiencat me përshkrimet e tij të mprehta të një brezi të humbur të të rinjve nga Berlini që u bënë të varur në heroinë.

Disa më vonë e akuzuan filmin për portretizimin e Berlinit Perëndimor të 1970 si një mekë e seksit, drogës dhe muzikës eksperimentale.

Kritikët kanë pyetur se çfarë mund të fitohet duke e trajtuar edhe një herë të njejtën histori.

Krijuesit e serialit të ri, i cili u xhirua në Pragë dhe Berlin, këmbëngulin se ata nuk janë aq të interesuar në rikthimin e origjinalit sesa në përqafimin e thelbit të një historie universale për të rinjtë që gjejnë vendin e tyre në botë.

“Ky është interpretimi ynë i përvojës së Christiane dhe miqve të saj në atë kohë,” tha regjisori Philipp Kadelbach në një intervistë.

Historia e saj ka frymëzuar turne udhërrëfyese në vendet e Berlinit ku ndodhën histori të saj, duke përfshirë Jebenstrasse në stacionin hekurudhor Zoologischer Garten, ku u mblodh i ashtuquajturi “Babystrich”, rrip në Schöneberg ku Felscherinoë punonte si prostitutë për të financuar droga, si dhe Sound, klubi i natës në Berlinin Perëndimor në vitet 1970 ku ajo zbuloi për herë të parë heroinën./Demokracia.com