Haradinaj u adresohet qytetarëve në prag të zgjedhjeve të parakohshme nacionale – video

Diaspora

Demokracia

13:29 | 13 Janar 2021

Kryetari i Aleancës për Ardhmërinë e Kosovës (AAK), Ramush Haradinaj, përmes një video-mesazhi në Facebook u është drejtuar qytetarëve, ku kërkon besimin e popullit dhe zotohet se do të punojë vetëm në interesin e vendit dhe popullit të Kosovës.

Adresimi i plotë:

Të dashur qytetarë të Kosovës, vëllezër dhe motra, në këto zgjedhje do të ndodhë rikonfigurim i skenës politike në Kosovë. Që nga paslufta, që nga pavarësia, në Kosovë në etapa të ndryshme, kanë udhëhequr PDK dhe LDK, me të arriturat, por edhe me gabimet e tyre. Tani ju do të vendosni se kush do të udhëheqë në Kosovë. Ashtu siç Qeveria që i ka përgjegjësitë e veta me rëndësi, edhe presidenti i vendit ka përgjegjësi mjaft të rëndësishme. Duke e pasur një president të qëndrueshëm, i cili përballet edhe me vendin fqinj tonë Serbinë, që ka qasje armike ndaj nesh, atëherë, ne jemi më të sigurtë.

Asnjëherë nuk kam shërbyer dhe nuk kam vendosur kundër interesit të vendit tim, pra çdo herë në jetën time kam qenë me interesin e Kosovës, me interesin e popullit të Kosovës. Kërkoj besimin tuaj, kërkoj votën tuaj që të udhëheq vendin, që të jemi presidenti juaj, presidenti i Republikës sonë. Zoti e bekoftë Kosovën!

https://www.facebook.com/RamushHaradinajOfficial/videos/826484254866084