“Guardiola i bëri shumë dëm futbollit. Dukej aq e thjeshtë dhe e lehtë sa të gjithë donin të kopjonin stilin e tij”, tha Messi.

Gjithsesi argjentinas vazhdon të ketë admirim të madh për trajnerin katalunas, duke thënë se është trajneri më i mirë që e ka pasur.

“Pa dyshim. Guardiola ka diçka të veçantë, veçanërisht në përgatitjen e çdo ndeshjeje dhe gjithashtu në komunikimin e tij me lojtarët, në mënyrën se si na e përcillte strategjinë”, tha Messi.

Marrëdhënia e dyshes është e shkëlqyeshme, me Pep Guardiolën që në çdo intervistë nuk heziton të thotë se Messi është futbollisti më i mirë në histori të futbollit.