Presidentja Vjosa Osmani dhe kryeministri Albin Kurti, kanë organizuar pritje të përbashkët shtetërore për korin diplomatik të akredituar në Kosovë dhe mysafirë të tjerë të shumtë, me rastin e 12 qershorit, 24 vjetorit të çlirimit të Kosovës.
Por, ambasadorët e vendeve të QUINT-it e kanë bojkotuar pjesëmarrjen në pritjen shtetërore, shkruan Demokracia.com.
Kjo është goditje e rëndë sidomos për Kurtin, pasi që është hera e parë në këto 24 vjet të çlirimit të Kosovës që ambasadorët e vendeve që kontribuan në lirinë e Kosovës bojkotojnë këtë ceremoni.
Në këtë ceremoni, janë parë vetëm ambasadorët, ai i Zvicrës, por edhe i Arabisë.
Ndërsa, nuk kanë marrë pjesë as opozita parlamentare. PDK, LDK dhe AAK.
Mungesa e ambasadorëve më të fuqishëm në këtë ngjarje, është edhe një sinjal që konfrontimi i Kurtit me bashkësinë ndërkombëtare ka marrë përmasa shqetësuese.
Intervenimi në veri pa koordinim dhe mbajtja e kryetarëve atje nën masa të rrepta të sigurisë ka shkaktuar çarje të madhe ndërmjet Kurtit dhe shteteve mike, sidomos SHBA-së si shteti që ka dhënë më së shumti për çlirimin dhe pavarësimin e Kosovës.
Kurti në këtë ceremoni të zbehtë deklaroi në fjalën se tij se 12 qershori është datë e rëndësishme që erdhi pas një përpjekje e lufte për çlirim, vetëvendosje e pavarësi.
Ai tha se shpërbërja e Jugosllavisë filloi në Kosovë dhe solli edhe fundin e okupimit të Serbisë.
Kryeministri Kurti u shpreh se demonstratat e studentëve e grevat e minatorëve u shndërruan në lëvizje popullore. /Demokracia.com/
LEXONI EDHE:
QUINT i bojkotoi, Qeveria ia huq: Talat Xhaferit ia ngatërrojnë pozitën shtetërore