Sulmuesi Agim Zeka dhe portieri Eglant Haxho nuk do të jenë më pjesë e Prishtinës.

Demokracia.com merr vesh ekskluzivisht se dyshja do të largohen nga kryeqyteti.

Njoftimi nga klubi më i madh i futbollit kosovar do të bëhet i ditur së shpejti.

Sulmuesi i krahut, Agim Zeka iu bashkua ish-kampionëve të vendit në janar të këtij viti kur kaloi nga Drita.

Ndërkohë, “gardiani” shqiptar, Eglant Haxho është pjesë e Prishtinës që nga viti 2019.

Dyshja nuk janë në planet e trajnerit të mirënjohur, Ismet Munishi për edicionin e ri./Demokracia.com/