Aplikacioni për takime të komunitetit LGBT, Grindr përballet me një gjobë prej 8.5 milion £ për shitjen e paligjshme të të dhënave të përdoruesit, reklamuesve, raportojnë mediat ndërkombëtare, transmeton Demokracia.
Autoriteti i Mbrojtjes së të Dhënave të Norvegjisë planifikon të gjobisë platformën 100 milion Kurora Norvegjeze, ose rreth 10% të të ardhurave të vlerësuara globale të Grindr.
Aplikacioni i njohur i rrjeteve sociale për lezbike, homoseksualë, biseksualë dhe njerëz trans ka kohë deri në 15 shkurt për t’iu përgjigjur çështjes.
Përfaqëues të aplikacionit ende nuk i janë përgjigjur kërkesës së për koment.
Në një deklaratë për Neë York Times, një zëdhënës i Grindr tha se kishte marrë “pëlqimin e vlefshëm ligjor nga të gjithë” të përdoruesve të saj në Evropë në shumë raste dhe ishte i sigurt se “qasja e tyre ndaj privatësisë së përdoruesit është e para” midis aplikacioneve sociale.
“Ne vazhdimisht i përmirësojmë praktikat tona të privatësisë duke marrë parasysh ligjet dhe rregulloret në zhvillim të privatësisë dhe presim me padurim të hyjmë në një dialog produktiv me Autoritetin Norvegjez për Mbrojtjen e të Dhënave”, shtoi ai.
“Konkluzioni ynë paraprak është se shkeljet janë shumë të mëdha”, tha agjencia norvegjeze në një deklaratë.
Shkelja e të dhënave u zbulua janarin e kaluar, pasi Këshilli Norvegjez i Konsumatorit bëri tre ankesa kundër Grindr për ndarjen e informacionit personal me reklamuesit.