Kanë kaluar dy muaj që kur mediumi “Nacionale” filloi me publikimin e audioincizimet të aferës “Zdravo”.
Në përgjime ishte e përfshirë shefja e grupit parlamentar të Lëvizjes Vetëvendosje, Mimoza Kusari-Lila dhe zyrtari i Listës Serbe, Slavko Simiq, shkruan Demokracia.com
Kusari-Lila në audioincizime e pranon se kishte biseduar me Milan Radojçiqin, tash kryeterroristi që i priu sulmit në Banjskë të Zveçanit ku mbeti i vrarë polici Afrim Bunjaku.
Milan Radojçiq sot është arrestuar nga autoritetet e Serbisë, sipas njoftimit të MPB-së së Serbisë.
Autoritetet ndërkombëtare e kanë quajtur sulm terrorist atë që Radojçiqi dhe grupi i tij kishin bërë në Banjskë.
Përkundër gjithë këtyre zhvillimeve, Mimoza Kusari-Lila nuk është intervistuar asnjëherë nga autoritetet e Kosovës për bisedën që ka pasur me Milan Radojçiq.
Në kohën kur thuhet se ka ndodhur biseda mes Radojçiqit e Kusari-Lilës, ai ishte në listën e zezë të ShBA-së.
Mimoza Kusari-Lila në fjalimin që pati në Kuvendin e Kosovës në seancën e fundit mbi sulmin terrorist, nuk e përmendi asnjë moment Milan Radojçiqin si prijës të aksionit.
Në mbrojtje të Kusari-Lilës për bisedat me Radojçiqin i kishin dal nga kryeministri e deri te deputetët e VV-së./Demokracia.com/
Kurti i quan interpretime partizane audio-incizimet e Kusari-Lilës me Simiqin