Të gjithë e dimë që teknologjia që përdorim mbledh informacione rreth nesh në mënyra të ndryshme.

Për shembull, kohët e fundit kemi parë supozimet që Google bën për ne bazuar në gjërat që kërkojmë në internet – përfshirë moshën tonë, statusin e marrëdhënies, etj, transmeton Demokracia.com

Por nëse jeni përdorues i iPhone, a keni qenë në dijeni që pajisja juaj ka ndjekur kudo që shkoni, sa herë keni vizituar vende të caktuara dhe datën e saktë që keni qenë atje?

Nëse ky cilësim është i aktivizuar në telefonin tuaj, një hulumtim në cilësimet tuaja të privatësisë do të zbulojë një listë të vendeve që besohet të jenë “domethënëse” për ju.

Sipas Apple, këto vendndodhje përdoren për t’ju ofruar shërbime të personalizuara, “të tilla si përcjellja parashikuese e trafikut, dhe për të ndërtuar kujtime më të mira të fotografive”.

Një shembull i kësaj mund të jetë që duke ditur se ku jetoni dhe punoni, telefoni juaj mund t’ju japë informacione të përshtatura për kohën për t’ju ndihmuar në udhëtimin tuaj.

Të gjitha të dhënat janë të koduara dhe të ruajtura vetëm në pajisjen tuaj. Apple thotë se nuk do të ndahet kurrë pa miratimin tuaj, kështu që askush tjetër nuk do të ketë qasje në vendet tuaja të rëndësishme.

Dhe edhe nëse një mik është duke përdorur telefonin tuaj, ata nuk mund t’i shohin këto vende pa fjalëkalimin ose ID-në e fytyrës / prekjes për t’i zhbllokuar ato./Demokracia.com