Komisioneri evropian për Zgjerimin dhe Fqinjësinë, Oliver Varhelyi, ka reaguar sa i përket takimit joformal që pati me liderët ballkanikë në Tiranë, duke konfirmuar se është diskutuar mbi integrimin ekonomik dhe social të Ballkanit Perëndimor në Bashkimin Evropian.

Varhelyi shkruan në një postim në rrjetin social “Twitter” se së bashku me kryeministrat e Shqipërisë, Serbisë, Maqedonisë së Veriut dhe Malit të Zi, ka diskutuar për “Strategjinë e re të Rritjes” për Ballkanin Perëndimor.

Ai po ashtu thotë se nga pala evropiane, mbeten të përkushtuar për të vijuar këtë plan konvergjent sa më shpejt të jetë e mundur.

Invited by PM @ediramaal to Tirana to discuss how to accelerate the economic & social integration of the WB6.

Together with 🇦🇱🇷🇸🇲🇰🇲🇪Prime Ministers talked through the New Growth Strategy for the #WesternBalkans.

We are committed to carry out this convergence plan fast. pic.twitter.com/2Id5hyDFNZ

— Oliver Varhelyi (@OliverVarhelyi) July 17, 2023

Ndërsa, çfarë bie në sy në postimin e tij, është fakti se flamuri i Kosovës mungon, për shkak se kryeministri Albin Kurti nuk mori pjesë në takimin me homologët e tij rajonalë, pavarësisht ftesës që iu bë nga kreu i Qeverisë shqiptare, Edi Rama.