Ukraina po i vazhdon sulmet ndaj caqeve ruse. Këtë po e bën edhe nëpërmjet sistemeve amerikane HIMARS, që Ukraina i kishte marrë nga Shtetet e Bashkuara të Amerikës, me qëllim që të digjen trupat ruse.

Në pamjet e publikuara në Twitter shihet çasti kur Ukraina qëlloi me disa sisteme njëherësh, duke bërë që qielli të shndriste për pak sekonda.

Ukrainian troops firing HIMARS at Russian positions.
pic.twitter.com/tQqifwhKdD

— Visegrád 24 (@visegrad24) April 10, 2023

Sistemi kërkon një ekuipazh prej tre personash, përfshirë një shofer, një gjuajtës dhe një komandant, të cilët ulen brenda kabinës së mjetit, derisa raketat lëshohen.

HIMARS-ët janë të blinduar kundër predhave dhe armëve të vogla. Po ashtu janë të lehtë për t’u transportuar me disa avionë.

Arma amerikane mund të lëshojë gjashtë raketa nga familja e predhave “MFOM”, me saktësi të mjaftueshme për të goditur një cak deri në 70 kilometra larg.

Ajo është shumë më e saktë se lëshuesit sovjetikë të raketave, apo ata të prodhuar në Rusi.