Tottenham Hotspur dhe Chelsea kanë publikuar tashmë formacionet zyrtare për ndeshjen derbi të vlefshme për javën e 25-të në Ligën Premier.

Spurs janë nikoqir të Bluve në takimin që pritet të zhvillohet në “Tottenham Hotspur Stadium” me fillim nga ora 14:30.

Ekipi i Antonio Contes ka rigjetur formën me tri fitore nga katër ndeshjet e fundit dhe synon të vazhdoj rezultatet pozitive për të mbajtur pozitën e katërt në tabelë.

Në anën tjetër, mysafirët e Graham Potter nuk dinë për fitore në katër ndeshjet e fundit dhe do të tentojnë ta thyejnë akullin me tri pikë të mëdha në derbi.

Trajnerët e të dyja skuadrave kanë vendosur të startojnë me formacionet më të mira të mundshme.

Tottenham: Forster; Romero, Dier, Lenglet; Emerson, Skipp, Hojbjerg, Davies; Kulusevski, Kane, Richarlison

Chelsea: Arrizabalaga; James, Thiago Silva, Koulibaly, Chilwell; Loftus-Cheek, Enzo Fernandez; Ziyech, Joao Felix, Sterling; Havertz.