Filmi “The Van” i regjisorit Erenik Beqiri është nominuar në mesin e dhjetë filmave për kategorinë Live Action Short Film për ceremoninë e 93, të Academy Awards.
Filmi është i metrazhit të shkurtër, zgjat 15 minuta dhe përfshin në kastën e tij aktorët si Arben Bajraktaraj, Phenix Brossard, Afrim Muçaj, Lulzim Zeqja, Romir Zalla, Elvin Minaj, transmeton Demokracia.
Filmi përcjell një djalë rreth të 20-tave, i cili ka për qëllim të largohet nga Shqipëria dhe të emigrojë bashkë me babanë e tij.
Në mënyrë që të fitojë para të shpejta që do t’i mundësojnë të largohet, ai e pranon një ofertë brutale; ai do të marrë pjesë në ndeshje boksi të cilat do të ndodhin brenda një furgoni.
Rregullat janë të thjeshta: dera mbyllet, furgoni bën një udhëtim dhe ndalet në stacionin e parë, ku edhe fituesi del nga furgoni./Demokracia.com