Policia e Singaporit njoftoi se në të ardhmen do të përdorë të ashtuquajturat robotët e policisë, dhe aplikimi i parë i kësaj risie filloi në aeroportin Changi.

“Ata janë robotët e parë të tillë që forcat e sigurisë planifikojnë të vendosin në të gjithë vendin për të rritur sigurinë e vijës së parë në vitet e ardhshme. Robotët patrullues supozohet të projektojnë një prani shtesë policore dhe të shërbejnë si ndihmë për oficerët e policisë”, u tha nga policia e Singaporit.

Sipas përshkrimit të policisë, robotët janë në gjendje të paralajmërojnë kalimtarët duke përdorur sirena dhe altoparlantë ndërsa ata presin që në vendngjarje të mbërrijnë oficerët e policisë “të vërtetë”.

Gjithashtu, qytetarët mund të komunikojnë drejtpërdrejt me policinë duke shtypur një buton në robot.

“Integrimi i robotikës përmirëson efikasitetin operacional dhe aftësinë e oficerëve tanë të vijës së parë duke i mundësuar ata të jenë më efikas në detyrat e tyre”, tha shefi i policisë së aeroportit Lim Ke Wei. /Telegrafi/