Trajneri i Manchester Cityt, Pep Guardiola falënderoi Roberto Baggio që i solli fat në finalen e Ligës së Kampionëve, teksa ish-sulmuesi legjendar i Azzurrëve parashikonte se skuadra angleze do të mposhte Interin në Stamboll të shtunën mbrëma.

Legjenda e Italisë ka qenë i pranishëm në stadium për të tri fitoret e spanjollit në finalet e garës më të madhe për klube në Evropë, pasi ka parë nga tribuna teksa Barcelona mundi Manchester United dy herë brenda tre sezoneve në Romë dhe në Wembley në 2009 dhe 2011 respektivisht.

Karriera e lojës së Guardiolës dhe Baggios u mbivendos për një kohë kur ata të dy u kontraktuan me Bresica në sezonin 2001-02.

Duke iu drejtuar mediave në italisht pas triumfit të Cityt të shtunën mbrëma, Guardiola ishte i shpejtë për të vënë në dukje se Baggio ishte bërë disi një sharmë fati për të dhe shpresonte se ai do të ishte në gjendje të merrte pjesë gjithashtu në finalen e ardhshme të madhe të Cityt.

“Para së gjithash, jam shumë i lumtur që Roberto Baggio ishte këtu me Gianni Infantinon”, deklaroi Guardiola të shtunën mbrëma. “Dhe është vërtet e këndshme që Roberto ishte gjithashtu atje në Romë dhe në Wembley kur fituam Ligën e Kampionëve (me Barcelonën), kështu që herën tjetër shpresoj që ai të më shoqërojë përsëri”.

Guardiola vlerësoi faktin se Interi do të jetë i zhgënjyer që nuk ka arritur të fitonte trofeun të shtunën mbrëma.

😲#Guardiola in conferenza stampa: “Voglio congratularmi con l’Inter: so cosa si prova, sono la seconda miglior squadra d’Europa. Baggio era qui e mi fa tanto piacere: è venuto a Wembley e mi porta molta fortuna”#CityInter

✍️@trobbiani_gio https://t.co/ql5ouHMlve

— calciomercato.it (@calciomercatoit) June 10, 2023