Deputeti i Partisë Demokratike të Kosovës, Ferat Shala,  folur për faturat e energjisë elektrike për të cilat shumë qytetarë po ankohen.

Shala ka thënë se këtë dimër po shpërfaqet, sipas tij, “mashtrimi i madh” i Qeverisë së Kosovës që kishte rritur çmimin e energjisë vitin e kaluar por që e kishte subvencionuar një pjesë për të mos u vërejtur shtrenjtimi.

Deputeti i PDK-së thotë se në faturat e këtij muaji është reflektuar edhe shtrenjtimi i ndodhur në pranverë.

“Po shpërfaqet mashtrimi i madh që ka ndodhur me shtrenjtimin e çmimit të energjisë elektrike, por që për të mos refelektuar kjo kishte subvencionuar pjesë të caktuar të ngritjes, dhe tashmë mashtrimi i vitit të kaluar dhe ngritja e ndodhur në pranverë po shpërfaqet aktualisht në dimër. Tashmë s’ka subvencionim”, ka deklaruar Shala në T7.