Edhe pse Gigio Donnarumma është lidhur me një rikthim në Milano gjatë verës, La Gazzetta dello Sport këmbëngul se “kuqezinjtë” nuk duan të ribashkohen me italianin në sezonin 2022-2023.

23-vjeçari iu bashkua PSG-së si agjent i lirë nga Milani verën e kaluar, por periudha e tij në Francë nuk po shkon siç pritej.

Donnarumma ka dhënë paraqitje të zbehta në disa raste dhe ka arritur “kulmin” në ndeshjen e dytë të raundit të 16-të të Ligës së Kampionëve kundër Real Madridit në mars, kur gabimi i tij shkaktoi rikthimin e Los Blancos në pjesën e dytë me ç’rast përmbysën rezultatin dhe eliminuan PSG-në.

Gazeta italiane analizon situatën e italianit, duke nënvizuar se një rikthim në Stadio Meazza gjatë verës është i pamundur.

Para së gjithash, Milani nënshkroi një zëvendësues të vlefshëm në Mike Maignan dhe më pas shumica e tifozëve të Milanit nuk duan më ta shohin italianin pranë Milanellos në çdo kohë në të ardhmen./Demokracia.com/