Google Docs po merr mbështetje për reagime ‘emoji’, duke ju lejuar t’i përgjigjeni tekstit me një simbol të thjeshtë dhe jo me një koment të shkruar plotësisht.

Sipas medieve të huaja, përcjell Telegrafi, në një postim njoftimi, kompania thotë se funksioni mbështet të gjitha emoji-t e disponueshëm në versionin më të fundit, që përfshin opsione neutrale ndaj gjinisë dhe simbole të tjera.

Reagime ‘emoji’ janë bërë një element kryesor i softuerit modern dhe janë të disponueshëm në aplikacione të shumta mesazhesh (iMessage, Facebook Messenger) dhe rrjete sociale (Facebook dhe Twitter si pjesë e një testi të kufizuar).

Reagimet ‘emoji’ po vijnë në Google Docs pasi shërbimi po kalon një rinovim të madh dhe po zgjerohet nga të qenit një përpunues teksti në një mjet bashkëpunimi në distancë.