Lajme
Rafuna: Problem të zhvillohet biznesi te ne, flitet për sulme nga Serbia çdo ditë
Demokracia
21:23 | 28 Mars 2024

Share:

Lulzim Rafuna, kryetar i Odës Ekonomike të Kosovës (OEK), ka thënë  të enjten se imazhi i krijuar për Kosovën që “mund të ketë luftë”, po e dëmton Kosovën.

Ai ka thënë se investitorët e huaj pyesin se “a do të ketë luftë”.

“Problemi ka qenë së pari me imazhin që e kemi kriju, është kriju ajo pritshmëria që çdo minutë në Kosovë mund të ketë luftë dhe mund të na sulmojë Serbia”.

“Investitorët e huaj kanë pyetur që apo bëhet luftë në Kosovë. Ne iu kemi dëshmu që kemi prezencë të pjesëtarëve të NATO’s, dhe nëse ka luftë e fundit ka me qenë Kosova”, ka thënë ai në “Pressing” të T7.

Pos kësaj, Rafuna tha se gjatë viteve të fundit ka pasur mungesë bashkëpunimi mes sektorit privat dhe atij publik.

Si sfidë ai përmendi edhe burokracinë, si dhe mungesën e reformimit të sistemit fiskal.

Të ngjashme