Ka vdekur sot në Klinikën Intensive të QKUK-së, Bajram Babiqi, i cili më 8 maj ishte plagosur nga Policia e Kosovës, pasi kishte sulmuar zyrtarët policorë me armë zjarri gjatë një bastisjeje në shtëpinë e tij në rrugën “Asllan Pireva” në Prishtinë.
Lajmi është konfirmuar edhe nga mjeku kujdestar në Klinikën Intensive, Lavdim Morina.
Duke u përgjigjur shumë shkurtër përmes telefonit, Morina e ka konfirmuar për Demokracia.com vdekjen e Babiqit.
Demokracia.com ka raportuar para pak orësh për vdekjen e tij, duke u thirrur në burime brenda Policisë së Kosovës.
Vdes Bajram Babiqi, i plagosuri që sulmoi policinë gjatë bastisjes në shtëpinë e tij
Lidhur me rastin, Demokracia.com ka kontaktuar edhe Policinë e Kosovës, por ata kanë sugjeruar që të drejtohemi në QKUK.
Babiqi ishte plagosur nga një zyrtar policor më datën 8 maj, në vetëmbrojtje, pasi ai gjatë një bastisjeje kishte sulmuar me armë zjarri pjesëtarët e policisë.
Demokracia.com kishte raportuar ekskluzivisht për këtë ngjarje./Demokracia.com/