Policia e Kosovës ka konfiskuar 174 pajisje të paligjshme të cilat ishin përdorur për mihjen e kriptovalutave në Zubin Potok.

Kështu ka informuar ministrja e Ekonomisë Artane Rizvanolli përmes një postimi në Twitter.

Sipas saj rryma të cilën se kanë paguar në veri, është shfrytëzuar për këto aktivitete. Prandaj sipas saj, Serbia po e bllokon zbatimin e Udhërrëfyesit për energjinë, për të cilën Kosova dhe Serbia ishin dakorduar.

Postimi i Rizvanollit:

“Policia e Kosovës ka konfiskuar 174 pajisje të paligjshme, që ishin përdorur për mihjen e kriptovalutave, gjatë një aksioni në Zubin Potok. Mospagimi i faturave të energjisë elektrike ka inkurajuar aktivitetet e tilla të paligjshme. Për këtë Serbia bllokon zbatimin e Udhërrëfyesit për energjinë. Ne kemi përmbushur zotimet tona. Është koha që edhe pala tjetër urgjentisht të bëjë të njëjtën gjë”

🇽🇰 Police seized 174 illegal crypto-mining devices in Zubin Potok.
Non-payment of electricity bills encourages such illegal activities. This is why Serbia blocks the energy roadmap implementation.
We fulfilled all our commitments. Time for the other side to do the same, urgently! pic.twitter.com/01upWlPREX

— Artane Rizvanolli (@Artane_R) April 14, 2023